وعي للأخبارأخبار عربية ودولية
النسخة العالمية

مدحت العدل عن فيلم أمريكا شيكا بيكا: لولا محمد فؤاد وإنتاج محمد العدل مكنش الفيلم هينجح

تاريخ النشر:

  • القاهرة 24

أعرب الدكتور مدحت العدل عن سعادته بعرض فيلم أمريكا شيكا بيكا خلال فعاليات مهرجان القاهرة السينمائي الدولي بدورته الـ47.

وقال مدحت قبل عرض الفيلم: يشرفني وجود النجم الكبير محمد فؤاد، لولا محمد فؤاد ولولا إنتاج الدكتور محمد العدل مكنش الفيلم هينجح، قيمة الفيلم إنه أول فيلم يتكلم عن الهجرة غير الشرعية من 33 سنة، وبحيي أستاذ خيري بشارة.

وأضاف: إحنا بنهدي الفيلم للذين كانوا يملؤون الشاشة ثم رحلوا عننا الفنانة شويكار وأحمد عقل وسامي العدل وأحمد الحجار.

بينما قال الفنان محمد فؤاد: شرف لينا نتقابل على حدث زي ده، وفي يوم من الأيام فيلم أمريكا شيكا بيكا كان بيمثل ليا البداية الحقيقية في عالم السينما وبشكر كل من تجرأ وجازف بتهور إنه يجيب محمد فؤاد يخليه بطل للفيلم على رأسهم مدحت العدل وهو اللي رشحني لخيري بشارة وبشكر محمد اللي وفرلنا في رومانيا كأننا معانا مصر كلها وإحنا هناك خلى كل الناس شايلانا على كفوف الراحة ومش ناسي ولا لحظة في التصوير.

ومن جانبه، قال المنتج محمد العدل: بشكركم واللي هتشوفوه النهارده هو نوع من أنواع النوستالجيا واللي مشافهوش قبل كده على شاشة كبيرة هيسعد أكتر من لما شافه على التلفزيون، وشكرا لمهرجان القاهرة وشكرا لمدحت اختار الفيلم.

وأضاف: وبالنسبة لي كان أكبر إنتاج بديت بيه والكبير اللي بدأت بيه وبالنسبة له كان أول سيناريو وحوار وأول علاقة ليا مع خيري بشارة ومحمد فؤاد.

اقرأ الخبر لدى المصدر