أبرز تصريحات ظافر العابدين في برنامج معكم.. قعدت سنتين من غير شغل ورحلة علاجي تستغرق 9 شهور
تاريخ النشر:
كشف الفنان ظافر العابدين العديد من الجوانب في حياته سواء الشخصية أو الفنية، وذلك خلال استضافته في برنامج معكم التي تقدمه الإعلامية منى الشاذلي على قناة on.تفاصيل إصابته ورحلة علاجه ٩ شهور
وقال ظافر خلال لقائه في برنامج معكم منى الشاذلي: جسمي عايز يقولي أنت كبرت ولكن دماغي لسه عايزاني ألعب كورة بس جسمي بيقولي خلاص كفاية، وكنت بلعب كورة عادي جدًا وكان الموضوع مش صعب وبسيط جدًا والجسم بيدي إشارات وبيقول بالراحة شوية.
وأضاف: روحت للدكتور والموضوع واضح وعملت الأشعة ومحتاج عملية وعملتها ومحتاج 9 شهور غالبًا عشان أرجع أعمل رياضة زي الأول. رحلة ظافر العابدين مع الإخراج
وتحدث ظافر العابدين أيضًا عن رحلته مع الإخراج، قائلًا: بدايتي في تونس كنت مساعد مخرج، ولما سافرت إنجلترا روحت مدرسة إخراج وسألت على المصاريف لقيتني بقول بعدها لا خليني في التمثيل أسهل وأخف في الأضرار، لكن فكرة الإخراج ديمًا معايا.
وأردف ظافر: أول فيلم أخرجته كنت كاتبه من 2011، ولكن المنتجين مكنوش متحمسين، وأخدت سنتين تلاتة عشان أحط الفكرة على جمب لحد ما فهمت إني أقدم عمل سهل تطبيقه وميكونش محتاج منتج، وعملت فيلم غدوة وكان الموضوع أصغر بكتير وإنتاجيًا أسهل.
وأضاف: حلمي الأول هو إني أعمل فيلم عربي عالمي، ويكون فيلم تونسي عالمي ويتعرض في أوروبا وأقدم مستوى معين في السينما، والبداية كانت مع فيلم غدوة، حتى فيلم صوفيا.كواليس فيلم صوفيا
وأشار ظافر خلال لقائه إلى أن فيلم صوفيا مس تجربة شخصية مر بها من قبل، قائلًا: كتبت الفيلم لما بنتي اتولدت وكانت في حضني، وتجربتي كانت حاضرة خصوصًا إني عايش في مجتمع بريطاني وحاسس إني كفرد عربي في المجتمع البريطاني مش لاقي نفس المساحة اللي أحب تكون موجودة ليا كإنسان مهاجر هناك، وفي نفس الوقت عارف إني لما خرجت من تونس كان عندي أحلام متحققتش لسه وخلتني أخرج وأسافر، وده شيء إحنا عيشناه.ظروف صعبة
وكشف ظافر العابدين كواليس ظروف صعبة مر بها في حياته، مضيفًا: قعدت سنتين في تونس من غير شغل، وديه كانت ظروف خلتني أطلع، ومكنش معايا حق تذكرة الأتوبيس، ومعنديش شغل ومش هسأل أبويا إني محتاج فلوس وأنا عندي 26 سنة، وشاب في السن ده وبالظروف ديه أكيد فكرت إني أخرج برا، ووقتها كان عندي فيزا دراسة وبعدين روحت مدرسة التمثيل، ودمجت فيزا الدراسة بفيزا العمل، لكن الظروف كانت صعبة.