وعي للأخبارأخبار عربية ودولية
النسخة العالمية

ريهام سعيد توجه اعتذارًا لسميرة الدغيدي: سامحيني

تاريخ النشر:

  • مصراوي

وجهت الإعلامية ريهام سعيد رسالة اعتذار إلى سميرة الدغيدي، رئيس مجلس إدارة ومالكة شبكة قنوات الشمس الفضائية، على خلفية الخلافات التي نشبت بينهما خلال فترة عملها بقناة الشمس، مؤكدة أن بعض التصريحات التي صدرت عنها في وقت سابق جاءت نتيجة انفعال وتأثرها بكلام أطراف أخرى.

وقالت ريهام سعيد، عبر منشور لها: "الصورة دي من نص ساعة.. طبعًا البوست ده هيضايق ناس كتير أوي، وهيضايق واحد بعينه.. لا هو مش واحد، هو شيطان، لكن خلاص حسبي الله ونعم الوكيل فيه".

وأضافت "سعيد"، بحسب منشور لها "عبر فيس بوك"، "أنا اشتغلت في الشمس وحققت نجاح رهيب في فترة قصيرة جداً.. فيه ناس كتير كانت زعلانة من النجاح ده وراحوا زنوا على مدام سميرة وفهموها حاجات مش حقيقية، وفي نفس الوقت عملوا مجهود رهيب إني أفسخ العقد، والفكرة إن هما مضيعوش النجاح بس، هما ضيعوا حب وتفاهم واحترام كان موجود وبقوة مع العائلة دي".

وأوضحت الإعلامية ريهام سعيد: "فهموني إني أنا في خطر وهيتم المتاجرة بيا وباسمي، وعشان أنا كنت في الوقت ده ضعيفة جداً بسبب اللي حصل في وشي صدقت وخفت ومشيت، وكانوا بيسموني ريهام الدغيدي وليا الشرف طبعاً، وأي كلمة قلتها في وقت انفعال كانت نتيجة تسخين غير عادي وخطة مرسومة للقضاء على العلاقة بيني وبين العائلة دي بأي طريقة".

وتابعت ريهام سعيد: "أنا مضيت مع النهار 3 سنين، يعني البوست ده ملوش أي غرض غير إني أقولك قدام الناس متزعليش مني وحقك عليا.. بس والله أنتي اللي سمعتيلهم وصدقتيهم في الأول ودخلوا الشك قلبك وأنا قدام الناس بقولك أنا بحبك وبحترمك جداً، وأي وقت اختلفنا فيه كان شيطان في جسد بني آدم هو السبب".

وأكدت على رغبتها في إنهاء الخلاف وعودة العلاقة الطيبة بينهما، قائلة: "سامحيني والصلح خير، ومحدش هيقدر يوقع بينا تاني، وأي كلمة قلتها ضايقتك حقك عليا فيها، أنا آسفة".

اقرأ أيضًا:

الأرصاد تكشف تفاصيل طقس الأسبوع: 5 أيام من التقلبات الجوية - تفاصيل

210 ألف طن صادرات غذائية مصرية خلال أسبوع.. والسودان في الصدارة

إحالة 4 موظفين بـ"ضرائب الغربية" للمحاكمة التأديبية للإضرار بالمال العام

اقرأ الخبر لدى المصدر